اللي تدلع ايش اخرتها ؟

السلام عليكم

اللـي تدلـع وش آخرهـا
=جننت شخص(ن) من الصغر يهواها

لولا قلب(ن) مغرم(ن) بيه خابرهـا
=لبصم بالعشر على اني من اعداها

ساعة(ن) تمضي لي ايام ناطرهـا
=وساعة(ن) دايم على الموعد القاها

وساعة(ن) تلفي ويازين خاطرهـا
=وساعة(ن) عكر على الجو مصفاها

كل ماقـررت برحـل وهاجرهـا
=ردني قلب(ن) له اسنيـن يبغاهـا

وكـل ماعزمـت بثقـل وكابرهـا
=لو دقيقـه بـس لحظـه ابجفاهـا

امسـك الجـوال فجـأه وسامرهـا
=وانسى كل الثقل لاعشت بجواهـا

غلطته تنسـى اذا شفـت ناظرهـا
=وآتغزل فـي محاسـن محياهـا

وغلطتـي ماتنسـي دوم ذاكرهـا
=ياويل حالي بعدها صعب تنساهـا

والبلا لاجيت اراضـي وسايرهـا
=ابتلش قبل التفاهم علـى ابكاهـا

وابتسـم لعلـي اجبـر بخاطرهـا
=كني ام(ن) بالتحايل على اضناها

واقترب منـه وداعـب مشاعرهـا
=ويبتعد عني وانا آقـول مقواهـا

وانسحب وقـول مانـي بجابرهـا
=ياعسى بكرا نخطط على ارضاها

وارسل من قصيدي اشعار ناشرهـا
=يمكن انه لاقـرا الشعـر هداهـا

والسبب تهوى قصيدي وساحرهـا
=القصيده لوصلت غصب تقراهـا

والسبب اني على المـر صابرهـا
=لي غلاة(ن) في عروقـه وكناهـا

والدليل ان الحـزن لـو يغامرهـا
=مابشر غيـري تناجيـه شكواهـا

ورغم هذا مانـي نـادم وعاذرهـا
=الدلـع لجنـس حـوا فرضناهـا

دامها بالحسن محـد(ن) يشاطرهـا
=والدلع من مولـده عـاش وياهـا

لكن الوسواس ساعـات جاورهـا
=ولو درى الوسواس بالحب ماجاها