غياب الشمس

السلام

كيفكم ؟ اخباركم ؟

الهوى شي عسر والهوى شي صعيب
وماعرف طعم المنايا سوا من ذاقها

والغرام اللي سكن في خفوقي ياشبيب
شمس غابت ماتهنيتنا بأشراقها

اه ياوقت الشقا واه ياظلم القريب
واه يانفس عجزنا نكن اشواقها

كان شفت الدمع من فوق خدي له صبيب
لاتلوم الللي دموعه لخله راقها

والله ان الدمع ياصاحبي ماهوب عيب
عبرة في الصدر واليوم حان اعتاقها

دمعتي مرهم خفوق من الفرقا صويب
عقب فرقا اللي كوتني بنار فراقها

صارت الطمعه نظرها وشوف من قريب
عقب كانت طمعتي حبها واعناقها

ياشبيب الذيب فوق الجبل يقنب قنيب
ردني من بكرة ماقدرت استاقها

ياشبيب انشد وادور ولالي من مجيب
كل خلق الله عندي تشين اخلاقها

وانت اعرفك يابن عمي لعلاتي طبيب
كل مادنيا الشقا ذقت طعم طراقها

هو يطيب الجرح ياخوك والا مايطيب
الجمل حمّل بحمله عجز ماطاقها


وسلامتكم
ولو
تحياتوو